2019, Vol. 5, Issue 5, Part C

author(s)
Gouranga Show

abstract
शिक्षकशब्देन यः शिक्षां ददाति स एव बोध्यः। इह जगति सन्ति बहवः शिक्षकाः, परं ते सर्व आदर्शशिक्षका इति वक्तुं न शक्यते। आदर्शशिक्षको हि स एव उच्यते यः शिक्षादानार्थम् आत्मानम् उत्सृजति। शिक्षा हि तस्य ध्यानम्। शिक्षाविस्तारं विना नास्ति तस्य कोऽपि चिन्ताविषयः। यमवलम्ब्य वयमस्माकं जीवनगतेः परिचालनं कुर्मः, स इव भवितुं वयं सर्वदा मनसि चेष्टां कुर्मः, स एव अस्माकम् आदर्शः। प्रतिमूर्तिः यथा मूर्तेः अनुरूपा भवति तथैव वयमादर्शस्य अनुरूपा भवामः। प्रतिमूर्त्या सह मूर्तेः यः सम्बन्धः, अस्माकं जीवने आदर्शेन सह स एव सम्बन्धः। वयं यत् किमपि कुर्मः तत्तु अस्माकमादर्शस्य अनुसरणस्य फलम्। एतत् कार्यं वयं सर्वे एव कुर्मः। आदर्शस्य अनुसरणं न करोति एवं मनुष्यो दुर्लभः। छात्रा आदर्शशिक्षकस्य चरित्रमवलम्ब्य स्वजीवननिर्माणं कुर्वन्ति। अतः छात्राणां जीवननिर्माणे आदर्शशिक्षकस्य अस्ति महती भूमिका। आदर्शशिक्षकस्य चरितस्य बहूनि वैशिष्ट्यानिसाहित्ये बहुत्रैव प्रदर्शितानि।